مهاباد؛ دەستبەسەرکرانی ئیلهام عەلیزادە لەلایەن هێزەکانی ئیدارەی ئیتلاعاتەوە

یەکشەممە، ٦ی ۹ی ۲٠۲٦

ژنێکی کوردی خەڵکی مهاباد بە ناوی ئیلهام عەلیزادە (ناسراو بە سوهەیلا)، لە دوای هەڵکوتانە سەر ماڵەکەی لەلایەن هێزەکانی ئیدارەی ئیتلاعاتەوە دەستبەسەر کراوە و بۆ یەکێک لە دەستبەسەرگە ئەمنییەکانی ئەو دامەزراوەیە لە ئورمیە گواستراوەتەوە.

بەپێی زانیارییەکانی ڕێکخراوەکانی مافی مرۆڤ، ڕۆژی یەکشەممە، ٦ی ۹ی ۲٠۲٦، هێزەکانی ئیدارەی ئیتلاعات بەبێ پیشاندانی هیچ بەڵگەیەکی یاسایی و دادوەری، هەڵیانکوتاوەتە سەر ماڵی بنەماڵەی ئیلهام عەلیزادەی تەمەن ۳۰ ساڵ لە شاری مهاباد و دەستبەسەریان کردووە.

زانراوە کە ناوبراو ڕاستەوخۆ دوای دەستبەسەرکرانی، بە مەبەستی لێکۆڵینەوە ڕەوانەی دەستبەسەرگەیەکی ئەمنیی ئیدارەی ئیتلاعات لە شاری ئورمیە کراوە.

تا ئامادەکردنی ئەم ڕاپۆرتە، هیچ زانیارییەکی ورد لەسەر هۆکاری دەستبەسەرکردن، تۆمەتە پاڵدراوەکان و باری تەندروستیی ناوبراو لە بەردەستدا نییە.