سەردەشت؛ دەستبەسەرکردنی شۆڕش ئەبووبەکری هونەرمەندی کورد دوای بانگکرانی بۆ دادگا

یەکشەممە، ١١ی ۱٠ی ٢٠٢٦

سەردەشت؛ دەستبەسەرکردنی شۆڕش ئەبوبەکری، هونەرمەند و گۆرانیبێژی کورد، دوای بانگکرانی بۆ دادگا

شۆڕش ئەبوبەکری، ناسراو بە «شۆڕەسوار»، هونەرمەند و گۆرانیبێژی کورد و خەڵکی شاری سەردەشت، ئەمڕۆ دوای ئامادەبوونی لە دادگای گشتی و شۆڕشی ئەم شارە لەلایەن هێزە حکوومەتییەکانەوە دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، شۆڕش ئەبوبەکری، ناسراو بە «شۆڕەسوار»، ڕۆژی یەکشەممە، ١١ی۱٠ی ٢٠٢٦، دوای سەردانیکردنی دادگای گشتی و شۆڕشی شاری سەردەشت، لەلایەن هێزە حکوومەتییەکانەوە دەستبەسەر کراوە.

بەپێی زانیارییەکانی سەرچاوە باوەڕپێکراوەکان، ناوبراو پێشتر بە ڕێگەی پەیوەندیی تەلەفۆنی بانگ کرابوو بۆ دادگای گشتی و شۆڕشی سەردەشت.

ئەم هونەرمەندە پێشتر لەگەڵ دەستبەسەرکردن و گوشاری دامەزراوە ئەمنییەکان بەرەوڕوو بووەتەوە. لەوانە، بەرەبەیانی دووشەممە، ٨ی ۱ی ٢٠٢٤، هێزەکانی ئیدارەی ئیتڵاعات بەبێ پیشاندانی حوکمی دادوەری و بە بەکارهێنانی توندوتیژی و ترساندن، هێرشیان کردە سەر ماڵی خێزانییەکەی و دەستبەسەریان کردبوو.

تا کاتی ئامادەکردنی ئەم ڕاپۆرتە، هیچ زانیارییەکی ورد لەبارەی هۆکاری دەستبەسەرکردنەکە، تۆمەتە پاڵدراوەکان و شوێنی ڕاگرتنی ئەم هونەرمەندە بەردەست نییە.