پیرانشار؛ مەتین ڕەسووڵی، لاوێکی کورد، دەستبەسەر کرا و بۆ شوێنێکی نادیار ڕاگوێزرا

پیرانشار؛ دو ڕۆژ بەسەر دەستبەسەرکردنی مەتین ڕەسووڵی تێپەڕیوە و هێشتا چارەنووس و شوێنی ڕاگرتنی نادیارە

١٧ی ۸ی٢٠٢٦؛ سەرەڕای تێپەڕبوونی دوو ڕۆژ بەسەر دەستبەسەرکردنی سەرەڕۆیانەی «مەتین ڕەسووڵی»، لاوێکی کوردی خەڵکی پیرانشار، هێشتا هیچ زانیارییەکی ورد لەسەر چارەنووس و شوێنی ڕاگرتنی لەبەردەست نییە. ئەم هاووڵاتییە لە ماوەی دەستبەسەرکردنەکەیدا لە مافی دەستڕاگەیشتن بە پارێزەر، دیدار و پەیوەندی لەگەڵ بنەماڵەکەی بێبەش کراوە.

بەپێی زانیارییە بەدەستهاتووەکان، ڕۆژی یەکشەممە، ١٦ی ۸ی ٢٠٢٦، مەتین ڕەسووڵی، لاوێکی کوردی خەڵکی پیرانشار، بەبێ پیشاندانی هیچ بەڵگەیەکی یاسایی لەلایەن هێزە ئەمنییەکانەوە دەستبەسەر کراوە و بۆ شوێنێکی نادیار ڕاگوێزراوە. سەرەڕای تێپەڕبوونی دوو ڕۆژ بەسەر دەستبەسەرکردنەکەیدا، هێشتا هیچ زانیارییەکی ڕوون لەسەر چارەنووس و شوێنی ڕاگرتنی لەبەردەست نییە.

هەتا کاتی بڵاوبوونەوەی ئەم هەواڵە، هیچ زانیارییەکی ورد سەبارەت بە هۆکاری دەستبەسەرکردنی مەتین ڕەسووڵی و ئەو تۆمەتانەی کە لەوانەیە بخرێنە پاڵی، لەبەردەست نییە. هێزە ئەمنییەکانیش هەتا ئێستا هیچ ڕوونکردنەوەیەکیان لەبارەی دەستبەسەرکردن و شوێنی ڕاگرتنی ئەم هاووڵاتییەوە نەداوە.

هەروەها، مەتین ڕەسووڵی لە ماوەی دەستبەسەرکردنەکەیدا لە مافی دەستڕاگەیشتن بە پارێزەر، دیدار و پەیوەندی لەگەڵ ئەندامانی بنەماڵەکەی بێبەش کراوە.