بۆکان؛ دەستبەسەرکرانی کیانووش محەممەدی و ڕەزا مەعرووفی ئەقدەم لەلایەن هێزە حکوومەتییەکانەوە

بۆکان؛ دەستبەسەرکرانی کیانووش محەممەدی و ڕەزا مەعرووفی ئەقدەم لەلایەن هێزە حکوومەتییەکانەوە

دوو هاووڵاتیی کورد و خەڵکی بۆکان و نەغەدە، بە ناوەکانی کیانووش محەممەدی، ٢٦ ساڵ، و ڕەزا مەعرووفی ئەقدەم، ٥٨ ساڵ، لەلایەن هێزەکانی ئیدارەی ئیتالاعات لە شاری بۆکان دەستبەسەر کراون و بۆ شوێنێکی نادیار گواستراونەتەوە.

بەپێی ڕاپۆرتەکانی گەیشتوو بە ڕێکخراوەکانی مافی مرۆڤ، کاتژمێر ٦ی بەیانیی ڕۆژی سێشەممە، ١٣ی ۱٠ی ٢٠٢٦، هێزەکانی ئیدارەی ئیتالاعات، بەبێ پیشاندانی هیچ بڕیارێکی دادوەری، هێرشیان کردووەتە سەر ماڵی بنەماڵەیی کیانووش محەممەدی، هاووڵاتیی ٢٦ ساڵەی خەڵکی بۆکان، و دەستبەسەریان کردووە.

لە هەمان کاتدا، هێزە حکوومەتییەکان هێرشیان کردووەتە سەر ماڵی ڕەزای مەعرووفی ئەقدەم، هاووڵاتیی کوردی ٥٨ ساڵە، خەڵکی نەغەدە و دانیشتووی بۆکان، و بەبێ پیشاندانی بڕیاری دادوەری دەستبەسەریان کردووە.

تا کاتی بڵاوکردنەوەی ئەم ڕاپۆرتە، زانیارییەکی ورد دەربارەی هۆکاری دەستبەسەرکردنی ئەم دوو هاووڵاتییە، تۆمەتە ئاراستەکراوەکان و شوێنی ڕاگرتنیان لەبەردەست نییە. هەروەها، هێزە حکوومەتییەکان هیچ ڕوونکردنەوەیەکی فەرمییان لەبارەی دەستبەسەرکردنی ئەوان نەداوە.