PAK: ئێران فۆسفۆری سپی لە هێرشی درۆنیی بەیانی ئەمڕۆدا بەکارهێن

پارتی ئازادیی كوردستان (PAK) له‌ڕاگه‌یه‌ندراوێكدا بڵاویكرده‌وه‌، "كۆماری ئیسلامیی ئێران له‌ هێرشه‌ درۆنییه‌كه‌ی به‌ره‌به‌یانی  ئه‌مڕۆ بۆ سه‌ر یه‌كێك له‌ بنكه‌كانی سوپای میللیی كوردستان، ته‌قه‌مه‌نی تێكه‌ڵ به‌ فۆسفۆری سپی به‌كارهێناوه‌".

ئاماژه‌ی به‌وه‌شكردوه‌، "به‌پێی بینین و پشكنینی حاڵه‌تی نۆ پێشمه‌رگه‌ی برینداری ئه‌م هێرشه‌ و ئاگری به‌رفراوانی ژینگه‌ و  شوێنی به‌ ئامانج‌گیراو، ئه‌و ته‌قه‌مه‌نییه‌ی كه‌ له‌و هێرشه‌دا به‌كارهاتوه‌، فۆسفۆری سپیی تێدا بوه‌".

ئه‌وه‌شیخستۆته‌ڕو، "ئه‌م په‌لاماره‌ ته‌نها تاوانێك نییه‌، به‌ڵكو پێشێلكارییه‌كی ئاشكرای بنه‌ما سه‌ره‌كییه‌كانی یاسای نێوده‌وڵه‌تییه‌ له‌ كاتی شه‌ڕدا، به‌كارهێنانی ئه‌و ته‌قه‌مه‌نییانه‌ی كه‌ سوتاندنی مرۆڤ و ژینگه‌ی لێده‌كه‌وێته‌وه‌، له‌گه‌ڵ بنه‌ماكانی مرۆڤایه‌تی و پابه‌ندبونی نێوده‌وڵه‌تیی ده‌وڵه‌تان ناته‌بان".