ئارش مەحموودی؛ دوای ١٠ ڕۆژ لە دەستبەسەرکردن، هێشتا چارەنووسی بە ناڕوونی ماوەتەوە
بەپێی ڕاپۆرتی ڕێکخراوەکانی مافی مرۆڤ، ئارش مەحموودی، هاونیشتمانیی خەڵکی کرماشان، بۆ ماوەی ١٠ ڕۆژە لەلایەن هێزە ئەمنییەکانی کۆماری ئیسلامیی ئێرانەوە دەستبەسەر کراوە و هەتا ئێستا چارەنووسی بە ناڕوونی ماوەتەوە.
بەپێی زانیارییەکانی بڵاوکراوەتەوە، ئارش مەحموودی ڕۆژی ١١ی تەممووزی ٢٠٢٦ لە شوێنی کاری خۆیدا لە شاری کرماشان، بەبێ نیشاندانی بڕیاری یاسایی و بەبێ ڕوونکردنەوەی هۆکاری دەستبەسەرکردن، لەلایەن هێزە ئەمنییەکانەوە دەستبەسەر کرا.
هەتا ئێستا هیچ زانیارییەکی فەرمی سەبارەت بە شوێنی ڕاگیرانی، هۆکاری دەستبەسەرکردن یان تۆمەتە ئاراستەکراوەکان بڵاونەکراونەتەوە، ئەوەش بووەتە هۆی نیگەرانیی جیددیی بنەماڵەکەی و نزیکەکانی.
لە ماوەی چەند هەفتەی ڕابردوودا، هێزە ئەمنییەکانی کۆماری ئیسلامیی ئێران گوشارەکانیان بەرامبەر چالاکوانان و هاوڵاتیانی کورد زیاتر کردووە و ژمارەیەک کەس بەبێ ڕێوشوێنی یاسایی دەستبەسەر کراون.
← دادگای پێداچوونەوەی تاران سزای ٢ ساڵ و ٦ مانگ بەندکرانی سەجاد حائیری پشتڕاست کردەوە. هەروەها سزاکانی تەواوکەر، وەک قەدەغەبوون لە چالاکیی سیاسی و سۆشیال میدیا بۆ ماوەی دوو ساڵ، بەهێز مایەوە
بابەتی داهاتووبەشداری خۆپیشاندانی ئاشتیخوازانە بکەن بۆ پشتگیری مافە ڕەواکانی گەلی کوردستانی ئێران →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
