میراوا؛ کوژرانی خالید شیر، کاسبکار و مەڕداری کورد بە تەقەی ڕاستەوخۆی هێزە حکوومەتییەکان
پێنجشەممە، ١ی۱٠ی٢٠٢٦
خالید شیر (ناسراو بە خالید عەبدوڵڵا حاجی)، کاسبکار و مەڕداری کورد و خەڵکی ناوچەی میراوا، بە تەقەی ڕاستەوخۆی هێزەکانی سوپای پاسدارانی کۆماری ئیسلامیی ئێران لە ناوچە سنوورییەکانی ئەو شارەدا کوژرا.
بەپێی ئەو ڕاپۆرتانەی کە بە ڕێکخراوەکانی مافی مرۆڤ گەیشتوون، ڕۆژی پێنجشەممە، ١ی ۱٠ی ٢٠٢٦، خالید شیر کە خێزاندار و باوکی سێ منداڵ و خەڵکی گوندی ئاڵواتانی میراوا بوو، بە تەقەی ڕاستەوخۆی هێزە حکوومەتییەکان بریندار بوو و دوای ڕۆژێک بەهۆی سەختیی برینەکانیەوە گیانی لەدەست دا.
بە گوتەی سەرچاوە ئاگادارەکان، ئەم کاسبکارە کوردە کە لە ڕێگەی مەڕدارییەوە بژێویی ژیانی دابین دەکرد، لە بەرزایی و کوێستانە سنوورییەکانی «گوێزێ» سەر بە دەشتی «وەزنێ»، بەبێ ئاگادارکردنەوەی پێشوەختە و بەبێ ڕەچاوکردنی یاساکانی بەکارهێنانی چەک، کرایە ئامانجی تەقەی ڕاستەوخۆی هێزەکانی سوپای پاسداران و بەسەختی بریندار کرا.
ناوبراو دوای برینداربوونی، بۆ مەبەستی چارەسەریی پزیشکی بۆ یەکێک لە نەخۆشخانەکانی ورمێ گواسترایەوە، بەڵام بەهۆی قورسیی برینەکانیەوە، ئەمڕۆ پێنجشەممە لە نەخۆشخانە گیانی لەدەست دا.
← سزای سێدارەی ئیحسان نەورۆزی بەندکراوی کورد لە بەندیخانەی ناوەندیی کرماشان جێبەجێ کرا
بابەتی داهاتووتورکیا؛ ڕاپۆرتێک لەسەر دەستبەسەرکران و مەترسیی دیپۆرتکرانەوەی کەیھان جەوانمەردی، پەناخوازی سیاسیی کورد بۆ ئێران →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
