دادگای پێداچوونەوەی تاران سزای ٢ ساڵ و ٦ مانگ بەندکرانی سەجاد حائیری پشتڕاست کردەوە. هەروەها سزاکانی تەواوکەر، وەک قەدەغەبوون لە چالاکیی سیاسی و سۆشیال میدیا بۆ ماوەی دوو ساڵ، بەهێز مایەوە

سزای دوو ساڵ و شەش مانگ بەندکرانی سەجاد حائیری، نووسەر، دەرهێنەر و مامۆستای زمانی کوردی و خەڵکی ئیلام، لەلایەن دادگای پێداچوونەوەی پارێزگای تاران پشتڕاست کرایەوە.

بەپێی سەرچاوەکانی مافی مرۆڤ، دادگای پێداچوونەوەی پارێزگای تاران دوای پێداچوونەوە لە پەروەکە، بڕیاری سەرەتایی بەبێ هیچ گۆڕانکارییەک پشتڕاست کردەوە. بەپێی ئەم بڕیارە، سەجاد حائیری ماوەی دوو ساڵ و شەش مانگ لە زیندان دەبێت و هەروەها سزاکانی تەواوکەریش بەسەریدا ماون.

ئەو پێشتر لەلایەن دادگای شۆڕشی شاری دەماوەند بە تۆمەتی «چالاکیی بانگەشەیی دژی نیزام» و «بڵاوکردنەوەی زانیاری هەڵە و تێکدانی بیروڕای گشتی» تاوانبار کرا و سزای دوو ساڵ و شەش مانگ بەندکرانی و دوو ساڵ قەدەغەبوون لە ئەندامەتی لە ڕێکخراوە سیاسی و کۆمەڵایەتییەکان، هەروەها دوو ساڵ قەدەغەبوون لە چالاکی لە تۆڕە کۆمەڵایەتییەکان بەسەریدا سەپێنرا.

سەجاد حائیری لە تەممووزی 2025 لەلایەن هێزە ئەمنییەکانەوە لە ماڵەکەی لە دەماوەند دەستبەسەر کرا و لە کاتی دەستبەسەرکردندا مۆبایل، لاپتۆپ و ژمارەیەک کتێبی پەیوەندیدار بە فێرکردنی زمانی کوردی لێی دەستبەسەر کران. دواتر بە بارمتە ئازاد کرا، بەڵام چەند هەفتەیەک دواتر دووبارە بانگکرا بۆ دادوەری و بە بارمتەیەکی بەرزتر بە شێوەی کاتی ئازاد کرا.

کورتە:

دادگای پێداچوونەوەی تاران سزای ٢ ساڵ و ٦ مانگ بەندکرانی سەجاد حائیری پشتڕاست کردەوە. هەروەها سزاکانی تەواوکەر، وەک قەدەغەبوون لە چالاکیی سیاسی و سۆشیال میدیا بۆ ماوەی دوو ساڵ، بەهێز مایەوە.