سنە؛ دەستبەسەرکردنی سەرەڕۆیانەی داریووش ڕەحیمی و ڕاگواستنی بۆ شوێنێکی نادیار
یەکشەممە، ١٦ی۸ی٢٠٢٦؛ سنە؛ دەستبەسەرکردنی سەرەڕۆیانەی داریووش ڕەحیمی و ڕاگواستنی بۆ شوێنێکی نادیار
شەوی ڕابردوو، داریووش ڕەحیمی، هاوڵاتیی تەمەن ٤٥ ساڵ و خەڵکی سنە، لەلایەن هێزە ئەمنییەکانەوە بەبێ پێشکەشکردنی هیچ بەڵگەیەکی یاسایی دەستبەسەر کرا و بۆ شوێنێکی نادیار ڕاگوێزراوە. تا ئێستا هیچ زانیارییەکی دروست و باوەڕپێکراو لەسەر شوێنی بەندکران و چارەنووسی ئەو هاوڵاتییە لەبەردەستدا نییە.
شەوی شەممە، ١٥ی ۸ی٢٠٢٦، هێزە ئەمنییەکان بە هەڵکوتنە سەر ماڵی داریووش ڕەحیمی و بەبێ پیشاندانی بەڵگەیەکی یاسایی، ئەو دەستبەسەر کردووە و بۆ شوێنێکی نادیاریان ڕاگوێزتووە.
لە ڕەوتی ئەم دەستبەسەرکردنەدا، هێزە ئەمنییەکان جگە لە پشکنینی تەواوی ماڵەکە، مۆبایل و هەندێک کەلوپەلی ئەندامانی بنەماڵەکەیان بەبێ پێشکەشکردنی هیچ بەڵگەیەکی یاسایی زەوت کردووە و لەگەڵ خۆیان بردووە.
هەتا کاتی بڵاوبوونەوەی ئەم هەواڵە، هیچ زانیارییەکی ورد لەسەر هۆکاری دەستبەسەرکردنی داریووش ڕەحیمی یان تۆمەتە وەپاڵدراوەکان دژی ئەو لەبەردەستدا نییە و هێزە ئەمنییەکانیش هیچ ڕوونکردنەوەیەکیان لەمبارەیەوە نەداوە.
هەروەها، لەو کاتەوەی دەستبەسەر کراوە، داریووش ڕەحیمی لە مافی دەستڕاگەیشتن بە پارێزەر و دیدار و پەیوەندی لەگەڵ ئەندامانی بنەماڵەکەی بێبەش کراوە.
← دەستبەسەرکردنی مەسعوود ئالانی، گۆرانیبێژی کورد، لە شنۆ شنۆ؛ مەسعوود ئالانی، گۆرانیبێژی کورد، لەلایەن هێزە ئەمنییەکانی حکوومەتەوە دەستبەسەر کراوە و دواتر بۆ شوێنێکی نادیار گواستراوەتەوە
بابەتی داهاتووهادی خزری و مەتین ڕەسووڵی، دوو هاووڵاتیی کوردی خەڵکی ناوچەکانی شنۆ و پیرانشار، لەلایەن هێزە ئەمنییەتییەکانەوە دەستبەسەر کراون و تا ئێستا هیچ زانیارییەکی ڕوون لەبارەی شوێنی ڕاگرتن و چارەنووسیان بەردەست نییە →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
