سینا ستوودە بە هەشت ساڵ زیندان محکوم کرا و بانگهێشت کرا بۆ جێبەجێکردنی سزاکەی

ا

بەپێی زانیارییەکان، سینا ستوودە، تەمەنی ٣١ ساڵ و خەڵکی شاری ڕامسەر، کە لە خۆپیشاندانەکانی مانگی کانوونی دووەمی ٢٠٢٦ دەستبەسەر کرابوو، لەلایەن دەزگای دادوەریی کۆماری ئیسلامیی ئێرانەوە بە هەشت ساڵ زیندان محکوم کراوە و بە تازەیی بانگهێشت کراوە بۆ دەستپێکردنی ماوەی سزاکەی.

بەپێی زانیارییە بەدەستهاتووەکان، سینا ستوودە، باوکی منداڵێکی پێنج ساڵە، لەلایەن دادگای شۆڕشی شەهسەوار (تەنەکابن) بە سەرۆکایەتی قازی فازەلی، بە تۆمەتی “کردەوە دژ بە ئاسایشی نیشتمانی” تاوانبار ناسێنراوە.

هەروەها، زانیارییەکان ئاماژە بەوە دەکەن کە دەزگا ئەمنییەکانی ئێران گوشاریان خستوەتە سەر ئەوەی هەفتەی داهاتوو خۆی بگەیەنێتە بەشی جێبەجێکردنی حوکمەکان لە شاری ڕامسەر بۆ دەستپێکردنی ماوەی زیندانەکەی.

سینا ستوودە ڕۆژی ١٠ی کانوونی دووەمی ٢٠٢٦ لەلایەن هێزە ئەمنییەکانی ئێرانەوە دەستبەسەر کرا. دوای نزیکەی دوو مانگ و نیو لە زیندان، بە کەفالەت بە شێوەی کاتی ئازاد کرا تا ڕەوتی دادگایی تەواو بێت.

بەپێی سەرچاوەیەکی ئاگادار، سینا ستوودە لە ماوەی دەستبەسەردا تووشی ئەشکەنجەی توند بووە و ددانەکانی شکاون، دەست و پێی شکاوە، برینی قورس بە ئەستووخانەکانی سینگی گەیشتووە، زیانی گەورەی بە ناوچەی ئەندامی زاوزێی گەیشتووە و تووشی خوێنبەربوونی ناوخۆیی بووە