بجنۆرد؛ زەهرا ڕەببانی، دەستبەسەرکراوی ناڕەزایەتییەکانی مانگی ۱ ی ۲٠۲٦، بە ١٥ مانگ و دوو ڕۆژ بەندکران سزا درا

زەهرا ڕەببانی، هاووڵاتیی تەمەن ١٨ ساڵی کورد، بە ١٥ مانگ و دوو ڕۆژ بەندکران سزا درا

چوارشەممە، ١٩ی۸ی ٢٠٢٦

زەهرا ڕەببانی، هاووڵاتیی تەمەن ١٨ ساڵی کورد و خەڵکی بجنۆرد و یەکێک لە دەستبەسەرکراوانی ناڕەزایەتییەکانی مانگی۱ی ٢٠٢٦، لەلایەن دەزگای دادوەریی کۆماری ئیسلامیی ئێرانەوە بە سەرجەم ١٥ مانگ و دوو ڕۆژ بەندکران و سزای نەقدی سزا دراوە. ناوبراو لە کاتی دەستبەسەرکرانیدا ١٧ ساڵ بووە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، زەهرا ڕەببانی لەلایەن لقی ١٠٧ی دادگای سزاکانی دووی بجنۆردەوە بە سەرجەم ١٥ مانگ و دوو ڕۆژ بەندکران و دانی شەش ملیۆن تمەن سزای نەقدی سزا دراوە. لە کۆی سزای بەندکرانەکەدا، تەنها ٧ مانگ و ١٦ ڕۆژ جێبەجێ دەکرێت.

زەهرا ڕەببانی بە تۆمەتی «ئەنجامدانی تاوانی کۆبوونەوە بە مەبەستی ئەنجامدانی تاوان دژی ئاسایشی ناوخۆیی وڵات»، بەهۆی بەشداری لە ناڕەزایەتییەکاندا، بە ٧ مانگ و ١٦ ڕۆژ بەندکران لە ناوەندی چاکسازی و پەروەردە سزا دراوە.

هەروەها، بە تۆمەتی «دروستکردنی کەرەستەی تەقەمەنی»، بە ٧ مانگ و ١٦ ڕۆژ بەندکران لە ناوەندی چاکسازی و پەروەردە و دانی یەک ملیۆن تمەن سزای نەقدی سزا دراوە. لەسەر تۆمەتی «هەڵگرتن و دابەشکردنی کەرەستەی تەقەمەنی»ش بە چوار ملیۆن تمەن سزای نەقدی و یەک ملیۆن تمەن وەک یەک تا دوو بەرانبەری بەهای کەرەستە تەقەمەنییەکان سزا دراوە.

بە لەبەرچاوگرتنی ماوەی دەستبەسەرکرانی پێشووی، تەنها قورسترین سزاکە لەسەر ناوبراو جێبەجێ دەکرێت.

شایانی باسە، زەهرا ڕەببانی لە ٤ی ۱ی ٢٠٢٦ بانگهێشتی ناوەندە ئەمنییەکان کرابوو و سەبارەت بە بەشداری‌نەکردن لە کۆبوونەوەکاندا لێی بەڵێننامە وەرگیراوە. ڕۆژی ٥ی۱ی ٢٠٢٦ لەلایەن هێزە حکوومەتییەکانی کۆماری ئیسلامیی ئێرانەوە دەستبەسەر کرا و دوای ٤٥ ڕۆژ لە دەستبەسەرکران ئازاد کرا.