بجنۆرد؛ سەپاندنی سزای سێ مانگ بەندکردن و ٧٤ قامچی لەسەر ئیمان کازمی، یەکێک لە دەستبەسەرکراوانی ناڕەزایەتییەکانی مانگی ۱۲ ی ۲٠۲٥
شەممە ۲۲/۸/۲٠۲٦
ئیمان کازمی، هاووڵاتییەکی کورد و خەڵکی بجنۆرد و یەکێک لە دەستبەسەرکراوانی ناڕەزایەتییەکانی مانگی ١٢ی ساڵی ٢٠٢٥، لەلایەن دەزگای دادوەریی کۆماری ئیسلامیی ئێرانەوە بە سێ مانگ بەندکردن و ٧٤ لێدانی قامچی سزا درا.
بەپێی ڕاپۆرتی گەیشتوو بە ڕێکخراوەکانی مافی مرۆڤ، لقی ١٠٣ی دادگای سزاکانی دووی بجنۆرد، ئیمان کازمی بە سێ مانگ بەندکردن و ٧٤ لێدانی قامچی سزادراوە. جێبەجێکردنی ئەم حوکمە بۆ ماوەی پێنج ساڵ هەڵپەسێردراوە.
ئیمان کازمی بە تۆمەتی «تێکدانی نەزم و ئاسایشی گشتی» بە سێ مانگ بەندکردن و ٧٤ لێدانی قامچی سزا دراوە، کە ماوەی دەستبەسەرکرانی پێشووی لە حوکمەکەدا هەژمار کراوە. هەروەها لە تۆمەتی «هەڵگرتنی چەکی سارد» بێتاوان ناسێنراوە.
ئەم هاووڵاتییە لە ڕەوتی ناڕەزایەتییەکانی مانگی ١٢ی ساڵی ٢٠٢٥ و بە پەیوەندی بەو ناڕەزایەتییانەوە، لەلایەن هێزە حکوومەتییەکانی کۆماری ئیسلامیی ئێرانەوە دەستبەسەر کرا و دوای ٢٠ ڕۆژ لە بەندیخانە ئازاد کراوە
← خۆڕەماوا؛ سزای سێدارەی محەممەدڕەزا ڕەزایی کەنکەت جێبەجێ کرا
بابەتی داهاتوومەهاباد؛ دەستبەسەرکردنی شیرین مەسعوودی، چالاکی مەدەنیی کورد لەلایەن هێزەکانی ئیدارەی ئیتڵاعاتەوە →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
