ئێران سێ بەندکراوی لە زیندانەکانی تبرێز و زەنجان لە سێدارە دا
دووشەممە ۱٠/۸/۲٠۲٦
ئێران سێ بەندکراوی لە زیندانەکانی تبرێز و زەنجان سێدارە کرد
دەسەڵاتەکانی ئێران لانی کەم سێ بەندکراویان لە زیندانە ناوەندییەکانی تبرێز و زەنجان لە سێدارە داوە. ئەوان ئەمڕۆڵڵا دووستی، حوجەت خەییات و یوسف باقەری بوون؛ دوو لەوانە، ئەمڕۆڵڵا دووستی و حوجەت خەییات، بە تۆمەتی پەیوەندیدار بە ماددە هۆشبەرەکان و یوسف باقەری بە تۆمەتی «کوشتنی پێشوەختە پلان‌داڕێژراو» سزای سێدارەیان بەسەردا جێبەجێ کراوە.
بەپێی زانیارییە گەیشتووەکان بە ڕێکخراوەکانی مافی مرۆڤ، ئەمڕۆڵڵا دووستی، تەمەن ٤٠ ساڵ، خەڵکی بەندەر عەباس و باوکی دوو منداڵ، لەگەڵ حوجەت خەییات، تەمەن ٥١ ساڵ، خەڵکی تبرێز و باوکی سێ منداڵ، ڕۆژی یەکشەممە ٩ی ۸ی٢٠٢٦ لە زیندانی ناوەندیی تبرێز لە سێدارە دراون.
سەرچاوەیەکی ئاگادار لە دۆسیەکە ڕایگەیاندووە کە ئەمڕۆڵڵا دووستی و حوجەت خەییات بە تۆمەتی پەیوەندیدار بە ماددە هۆشبەرەکان، بە ڕێکەوتی دوو و چوار ساڵ پێش ئێستا، دەستبەسەر کرابوون و دواتر لەلایەن دەزگای دادوەریی ئێرانەوە بە سزای سێدارە سزا درابوون.
لە ڕوویەکی دیکەوە، یوسف باقەری، تەمەن ٣٠ ساڵ و خەڵکی زەنجان، ڕۆژی شەممە ٨ی ۸ی ٢٠٢٦ لە زیندانی ناوەندیی زەنجان لە سێدارە دراون . ئەو سێ ساڵ پێش ئێستا بە تۆمەتی «کوشتنی پێشوەختە پلان‌داڕێژراو» دەستبەسەر کرابوو و دواتر بە سزای سێدارە سزا درابوو
← سنووری بانە؛ کوژرانی محەممەد تەوحیدپەنا، کۆڵبەری خەڵکی سەقز بە تەقەی ڕاستەوخۆی هێزە چەکدارەکانی ئێران
بابەتی داهاتووڕۆیا سابەت، بەندکراوی بهایی، لە زیندانی شیراز لە چارەسەری پزیشکی و مۆڵەتی پزیشکی بێبەش کراوە و مەترسیی دۆسیەیەکی نوێی لەسەرە دووشەممە، ١٠ی ئاب ٢٠٢٦ →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
