سنووری بانە؛ کوژرانی محەممەد تەوحیدپەنا، کۆڵبەری خەڵکی سەقز بە تەقەی ڕاستەوخۆی هێزە چەکدارەکانی ئێران

دووشەممە، ١٠ی ۸ی ٢٠٢٦

سنووری بانە؛ کوژرانی کۆڵبەرێکی کورد بە تەقەی ڕاستەوخۆی هێزە چەکدارەکانی ئێران

کۆڵبەرێکی کورد بە ناوی محەممەد تەوحیدپەنا، لە کاتی کۆڵبەری لە خاڵی سنووریی «هەنگەژاڵ»ی بانە، بە تەقەی ڕاستەوخۆی هێزە چەکدارەکانی کۆماری ئیسلامیی ئێران کوژرا.

بەپێی ڕاپۆرتی گەیشتوو بە ڕێکخراوەکانی مافی مرۆڤ، بەرەبەیانی دووشەممە، ١٠ی۸ی ٢٠٢٦، هێزەکانی هێزی سنووریی ئێران لە سنووری هەنگەژاڵی بانە، بەبێ هیچ ئاگادارکردنەوە و هۆشدارییەکی پێشوەختە، دەستڕێژیان لەسەر ژمارەیەک کۆڵبەر کردووە.

لە ئەنجامی ئەم تەقەکردنەدا، محەممەد تەوحیدپەنا، کۆڵبەرێکی تەمەن ٢٥ ساڵ و خەڵکی گوندی «وەزمەڵە»ی سەر بە ناوچەی سەرشیوی سەقز، بەهۆی تەقەی هێزە سنوورییەکانەوە بەجێی خۆی گیانی لەدەست داوە.

بەپێی زانیارییە گەیشتووەکان، هێزەکانی هێزی سنووریی ئێران بەبێ هیچ جۆرە ئاگادارکردنەوە و هۆشدارییەکی پێشوەختەدەستڕێژیان لەسەر کۆڵبەرەکان کردووە.