کوژرانی محەممەدسدیق ئەوەڵی، کۆڵبەری خەڵکی سەلاسی باوەجانی بە تەقەی ڕاستەوخۆی هێزە چەکدارەکانی ئێران

سەلاسی باوەجانی؛ کوژرانی کۆڵبەرێکی کورد بە تەقەی ڕاستەوخۆی هێزە چەکدارەکانی ئێران

چوارشەممە ٢٣ی ۹ی ٢٠٢٦

کۆڵبەرێکی کورد بە ناوی محەممەدسدیق ئەوەڵی، خەڵکی شاری سەلاسی باوەجانی سەر بە پارێزگای کرماشان، لە کاتی کۆڵبەری لە سنووری ئەو شارە، بە تەقەی ڕاستەوخۆی هێزە چەکدارەکانی کۆماری ئیسلامیی ئێران کوژرا.

بەپێی ڕاپۆرتی گەیشتوو بە ڕێکخراوەکانی مافی مرۆڤ، بەرەبەیانی ڕۆژی چوارشەممە ٢٣ی۹ی ٢٠٢٦، کۆڵبەرێک بە ناوی محەممەدسدیق ئەوەڵی، خەڵکی گوندی هەنجیربوس سەر بە شاری سەلاسی باوەجانی، لە کاتی کۆڵبەری لە سنووری شێخ سڵەی ئەو شارە، بە تەقەی ڕاستەوخۆی هێزە چەکدارەکانی کۆماری ئیسلامیی ئێران کوژرا.

بەپێی وتەی سەرچاوەیەکی ئاگادار، ئەو کۆڵبەرە لە مەودایەکی نزیک و بەبێ هیچ هۆشدارییەکی پێشوەختە کراوەتە ئامانجی تەقەی ڕاستەوخۆی هێزەکان و دەستبەجێ گیانی لەدەست داوە. دوای ڕووداوەکەش، تەرمەکەی بۆ شاری جوانڕۆ گواستراوەتەوە.

شایەنی باسە کە محەممەدسدیق ئەوەڵی خێزاندار و باوکی دوو منداڵی بچووک بووە