سنووری بانە؛ برینداربوونی ئاروین عەزیزی، کۆڵبەری تەمەن ۲۰ ساڵ بە تەقەی ڕاستەوخۆی هێزە چەکدارەکانی ئێران

سنووری بانە؛ برینداربوونی ئاروین عەزیزی، کۆڵبەرێکی ٢٠ ساڵە بە تەقەی ڕاستەوخۆی هێزە چەکدارەکانی ئێران

هەینی، ١٨ی ۹ی ٢٠٢٦

ئاروین عەزیزی، کۆڵبەرێکی تەمەن ٢٠ ساڵ و خەڵکی شاری سەقز، لە ئەنجامی تەقەی ڕاستەوخۆی هێزە چەکدارەکانی کۆماری ئیسلامیی ئێران لە سنووری هەنگەژاڵی بانە، بە سەختی بریندار کراوە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، ڕۆژی دووشەممە، ١٤ی ۹ی ٢٠٢٦، ئاروین عەزیزی، کۆڵبەرێکی تەمەن ٢٠ ساڵ و خەڵکی گوندی «قۆرەدەرە»ی سەر بە شاری سەقز، لە سنووری هەنگەژاڵی بانە، کرایە ئامانجی تەقەی ڕاستەوخۆی هێزە چەکدارەکانی ئێران و بریندار کراوە.

بەپێی وتەی سەرچاوەیەکی ئاگادار، ئەم کۆڵبەرە بە گوللەی چەکی جەنگیی کڵاشینکۆف لە ناوچەی زگدا پێکراوە و بە سەختی بریندار بووە.

ئاروین عەزیزی دوای برینداربوون، بۆ وەرگرتنی پزیشکی و چارەسەرییە پێویستەکان، بۆ نەخۆشخانە گواستراوەتەوە.