دەستبەسەرکرانی ئارتین ڕۆستەمی، گەنجی ۱۹ ساڵی کورد بە مەبەستی جێبەجێکردنی سزای بەندکران
دەستبەسەرکرانی ئارتین ڕۆستەمی، گەنجی ۱٩ ساڵی کورد بە مەبەستی جێبەجێکردنی سزای بەندکرانەکەی
یەکشەممە، ٦ی۹ی۲٠۲٦
ئارتین ڕۆستەمی، گەنجی ۱٩ ساڵی کورد و یەکێک لە دەستبەسەرکراوانی خۆپێشاندانەکانی مانگی کانوونی دووەم، بە مەبەستی جێبەجێکردنی سزای ٦ مانگ بەندکرانی، دەستبەسەر کرا و ڕەوانەی بەندیخانەی تاران گەورە (فەشافوویە) کرا.
بەپێی ڕاپۆرتی ڕێکخراوەکانی مافی مرۆڤ، ڕۆژی یەکشەممە، ٦ی ۹ی۲٠۲٦، ئارتین ڕۆستەمی، خەڵکی گوندی «هەوێ»ی سنە و دانیشتووی تاران، دوای ئەوەی بانگهێشتی یەکێک لە لقەکانی جێبەجێکردنی سزاکانی دادگای شۆڕشی تاران کرا، دەستبەسەر کرا و گواسترایەوە بۆ بەندیخانەی فەشافوویە.
ئارتین ڕۆستەمی پێشتر لە ڕەوتی خۆپێشاندانە سەرتاسەرییەکانی مانگی ۱ لە شاری تاران لەلایەن هێزە ئەمنییەکانەوە دەستبەسەر کرابوو. ناوبراو دوای تەواوبوونی قۆناغەکانی لێکۆڵینەوە، تا کاتی دەرچوونی بڕیاری کۆتایی دادگا، بە بارمتە بە شێوەی کاتی ئازاد کرابوو.
دوانیوەڕۆی هەمان سەردەم، لەلایەن دادگای شۆڕشی تارانەوە بە تۆمەتی بەشداریکردن لە خۆپێشاندانەکاندا، سزای ٦ مانگ بەندکرانی تەعزیریی بەسەردا سەپێندرا.
بۆچوونەکان
هێشتا هیچ بۆچوونێک نییە. یەکەم کەس بە!
