قوروە؛ دەستبەسەرکرانی ڕەشید حیسامی لە مامۆستایانی فەرمانگەی پەروەردە لەلایەن هێزە حکوومەتییەکانەوە

دووشەممە، ۱٤ی۹ی۲٠۲٦

ڕەشید حیسامی، مامۆستای نیشتمانپەروەری خەڵکی قوروە، لەلایەن هێزە ئەمنییەکانی کۆماری ئیسلامیی ئێرانەوە بە توندوتیژییەوە دەستبەسەر کرا و بۆ شوێنێکی نادیار گواسترایەوە.

بەپێی ڕاپۆرتی ڕێکخراوەکانی مافی مرۆڤ، ڕۆژی دووشەممە ۱٤ی۹ی۲٠۲٦، هێزە حکوومەتییەکان هەڵیانکوتاوەتە سەر ماڵی ڕەشید حیسامی لە شارۆچکەی بەعسەتی قوروە و دەستبەسەریان کردووە.

سەرچاوە ئاگادارەکان ڕایانگیەیاندووە کە دەستبەسەرکردنی ئەم مامۆستایە بە بێ پێدانی هیچ بڕیارێکی دادوەر و بە کارێنانی توندوتیژی ئەنجام دراوە، هەروەها لە کاتی گرتنەکەیدا پشکنینی ماڵەکەشیان کردووە.

تا ئێستا بەدواداچوونی بنەماڵەکەی بۆ ئاگاداربوون لە چارەنووسی بێئاکام ماوەتەوە، و هیچ زانیارییەک لەسەر هۆکاری دەستبەسەرکردن، تۆمەتەکان و شوێنی ڕاگرتنی لە ئارادا نییە.