؛ شیوا زارعی چالاکی مەدەنی و ڕۆژنامەنووسی کورد سزای پێبژاردنی پارەی بەسەردا سەپێندرا

شیوا زارعی، چالاکی مەدەنی و ڕۆژنامەنووسی کورد و خەڵکی شاری قەسری شیرین سەر بە پارێزگای کرماشان، لەلایەن دەزگای دادوەریی کۆماری ئیسلامیی ئێرانەوە سزای پێبژاردنی ۵۰ ملیۆن تمەنی پارەی بەسەردا سەپێندرا.

بەپێی ڕاپۆرتی گەیشتوو بە ڕێکخراوەکانی مافی مرۆڤ، لە ۱۰/۲/۲٠۲٦، شیوا زارعی، هاووڵاتیی کوردی خەڵکی قەسری شیرین و دانیشتووی بووئین زەهرا لە پارێزگای قەزوین، بە تۆمەتی «پڕوپاگەندە دژ بە حکومەت» لەلایەن لقی یەکی لێپرسینەوەی خانەی دادی گشتی و شۆڕشی بووئین زەهرا، بە سزای پێبژاردنی ۵۰ ملیۆن تمەن پارە سزا دراوە.

هەروەها ڕاگەیەنراوە کە هێزە حکومەتییەکان دەستیان بەسەر مۆبایلی ئەو ڕۆژنامەنووسەدا گرتووە.

بڵاوکردنەوەی ناوەڕۆکی ڕەخنەگرانە لە ستۆریی لاپەڕەی تایبەتی ئەو چالاکە میدیاییە لە تۆڕی کۆمەڵایەتی ئینستاگرام، وەک بنەمای سەلماندنی تۆمەتەکە دژی ئەو بەکارهێنراوە