کۆڵبەرێکی ١٨ ساڵە لە سنووری نۆدشە بە تەقەی هێزە چەکدارەکانی ئێران کوژرا
کۆڵبەرێکی تەمەن ١٨ ساڵ بە ناوی سوهەیل فیردەوسی، خەڵکی گوندی دزاوەر سەر بە شارۆچکەی نەوسوود، ڕۆژی پێنجشەممە (23/07/2026) لە سنووری نۆدشەی پارێزگای کرماشان، بە هۆی تەقەی ڕاستەوخۆی هێزە چەکدارەکانی ئێران گیانی لەدەست دا.
بەپێی زانیارییەکان، نزیکەی کاتژمێر ٢ی دواینیوەڕۆ، هێزە سنوورییەکان بێ هیچ ئاگاداری یان هۆشدارییەکی پێشوەخت، دەستەیەک لە کۆڵبەریان کردە ئامانجی تەقەی ڕاستەوخۆ. لە ئەنجامی ئەو ڕووداوەدا، سوهەیل فیردەوسی بە فیشەک لە ناوچەی سک بریندار بوو و لە شوێنی ڕووداوەکە گیانی لەدەست دا.
هەروەها تەرمی ئەو کۆڵبەرە گەنجە بۆ پزیشکی دادوەریی شارى پاوا گواسترایەوە.
بەپێی ئامارە بەردەستەکان، لە ماوەی کەمتر لە سێ حەوتووی ڕابردوودا، لانیکەم پێنج کۆڵبەری کورد لە سنوورەکانی نەوسوود (دوو حاڵەت)، سەڵاسە باباجانی، مەریوان و کۆتۆڵ بە هۆی تەقەی ڕاستەوخۆی هێزە سنوورییەکانی ئێران گیانیان لەدەست داوە
← ڕاپۆرتێک لەسەر دەستبەسەرکردن و ناڕوونیی چارەنووسی ڕامین مەحموودی
بابەتی داهاتوو📰 دوایین هەواڵی شەڕی ئەمریکا و ئێران – ٢٤ی تەممووزی ٢٠٢٦ سەرچاوە: Khandan Telegraph →
بۆچوونەکان
هێشتا هیچ بۆچوونێک نییە. یەکەم کەس بە!
بەناوبانگەکان
نوێترین بابەتەکان
