ئەمیرحوسێن فەلاحی، لە دەستبەسەرکراوانی ناڕەزایەتییەکانی مانگی ۱، بە ١٨ مانگ زیندانی سزا درا

 دوو شەممە ۷/۲۷/٢٠٢٦

ئەمیرحوسێن فەلاحی، گەنجێکی تەمەن ١٩ ساڵ و یەکێک لە دەستبەسەرکراوانی ناڕەزایەتییەکانی مانگی ۱ی ٢٠٢٦ لە شاری کۆیەشت، لە پارێزگای لوڕستان، لەلایەن دەزگای دادوەریی کۆماری ئیسلامیی ئێرانەوە بە ١٨ مانگ زیندان سزا درا.

بەپێی ڕاپۆرتی گەیشتوو بە ڕێکخراوەکانی مافی مرۆڤ، سزای دادگای سەرەتاییی ئەمیرحوسێن فەلاحی ٥ ساڵ زیندان و ٢ ساڵ دوورخستنەوە (نەفی بەلد) بۆ شاری جاسک لە پارێزگای هورمۆزگان بووە، بەڵام لە قۆناغی پێداچوونەوەدا، سزای زیندانەکەی بۆ ١٨ مانگ کەم کراوەتەوە. سزای سەرەتایی لەلایەن دادگای شۆڕشی کۆیەشتەوە دەرکراوە.

شایانی باسە ئەمیرحوسێن فەلاحی، هاووڵاتییەکی کورد، ڕۆژی ١/۱۱/ ٢٠٢٦، هاوکات لەگەڵ ناڕەزایەتییە سەراسەرییەکان، دەستبەسەر کرا. ناوبراو دوای زیاتر لە دوو مانگ دەستبەسەرکردن، ڕۆژی ۳/۱٤/ ٢٠٢٦ بە دانانی بارمتە و بە شێوەیەکی کاتی، تا کۆتایی هاتنی قۆناغەکانی دادگایی، ئازاد کرا.

ئەم هاووڵاتییە لە ماوەی دەستبەسەرکردنیدا ٣١ ڕۆژ لە بەندیخانەی پارسیلۆنی خورڕەمئاباد و ماوەیەکی دیکەشی لە بەندیخانەی ناوەندیی خورڕەمئاباد بەسەر بردووە. ناوبراو لە ماوەی دەستبەسەرکردنیدا لە مافی دەستڕاگەیشتن بە پارێزەر و هەروەها چاوپێکەوتن لەگەڵ بنەماڵەکەی بێبەش کراوە.