عادل ڕەئیس قەنەواتی، هاووڵاتییەکی کورد و یەکێک لە دەستبەسەرکراوانی ناڕەزایەتییەکانی مانگی 1، بە ٩ مانگ زیندانی سزا درا.

ئاشخانە؛ عادل ڕەئیس قەنەواتی بە ٩ مانگ زیندان سزا درا

دووشەممە،۲۷/۷/٢٠٢٦

عادل ڕەئیس قەنەواتی، هاووڵاتییەکی کورد و یەکێک لە دەستبەسەرکراوانی ناڕەزایەتییەکانی مانگی ۱ی ٢٠٢٥، لەلایەن دادگای تاوانەکانی شاری ئاشخانە لە پارێزگای خۆراسانی باکوورەوە بە ٩ مانگ زیندان سزا درا . لە هەمان کاتدا، دۆسیەیەکی دیکەی ناوبراو لە دادگای شۆڕش هێشتا لە قۆناغی لێکۆڵینەوەدایە.

بەپێی ڕاپۆرتی گەیشتوو بە ڕێکخراوەکانی مافی مرۆڤ، عادل ڕەئیس قەنەواتی، کە پێشتر بۆ ماوەی دوو مانگ دەستبەسەر کرابوو، لە ماوەی ڕۆژانی ڕابردوودا لەلایەن یەکێک لە لقەکانی دادگای تاوانەکانی ئاشخانە بە تۆمەتی پێکدادان لەگەڵ هێزەکانی حکوومەت بە ٩ مانگ زیندانی سزا درا.

بەپێی وتەی سەرچاوەیەکی ئاگادار، دۆسیەیەکی دیکەی عادل ڕەئیس قەنەواتی لە دادگای شۆڕش هێشتا لە ژێر لێکۆڵینەوەدایە و تا ئێستا هیچ بڕیارێکی کۆتایی و فەرمی لەبارەی ئەم دۆسیەیەوە دەرنەچووە.

عادل ڕەئیس قەنەواتی لە ڕێکەوتی۱/۲٤/ ٢٠٢٦، بەبێ ئەوەی هیچ جۆرە بڕیارێکی دادوەری یان بەڵگەنامەیەکی فەرمی پێشکەش بکرێت، لەلایەن هێزە ئەمنییەکانەوە دەستبەسەر کرا و بۆ شوێنێکی نادیار گواسترایەوە. ناوبراو لە ماوەی دوو مانگی دەستبەسەرکرانیدا، لە بەندیخانەی بۆجنۆرد و لە بەشی کەرەنتینەدا ڕاگیرا و لە مافی دەستڕاگەیشتن بە پارێزەر و هەروەها مافی چاوپێکەوتن لەگەڵ بنەماڵەکەی بێبەش کرابوو.

ناوبراو دوای دوو مانگ دەستبەسەرکران، لە سەرەتایمانگی ٦ی ٢٠٢٦ بە دانانی بارمتەیەکی قورس، بە شێوەیەکی کاتی و تا کۆتایی قۆناغەکانی دادگاییکردن، ئازاد کرا